Станбената зграда претставува станбено-деловен објект. Објектот располага со 81 станбена единица решени во еден влез. Сите катови се со намена домување, освен приземјето кое е со намена деловен простор.
Според ПРАВИЛНИКОТ ЗА НАЧИН И ОБЕЗБЕДУВАЊЕ НА НЕПРЕЧЕН ПРИСТАП, ДВИЖЕЊЕ, ПРЕСТОЈ И РАБОТА НА ЛИЦА СО ИНВАЛИДНОСТ (Сл.Весник на Р.М. бр. 17/15), проектирани се 4 (од потребни 4) стана за лица со посебни потреби.

Становите во станбената зграда се двособни и трособни. Становите се проектирани на тој начин за да ги задоволаат потребите на нашите клиенти, кои имаат различни барања и различни финансиски можности.

Конструктивниот систем е составен од армирано бетонски столбови и греди со различни распони, поставени така што најдобро се обезбедува поволно решение за паркирањето, а пред се флексибилно решавање на станбените единици.

Сите градежни материјали и вградени инсталации ги задоволуваат важечките технички услови и стандарди во однос на конструкција, противпожарна безбедност, топлинска, звучна и хидро изолација, како и енергетска ефикасност. Вградените материјали, по своите својства, структура и боја, влијаат на комфорот и пријатното чувство во просторот. Материјалите воедно влијаат и на еколошкиот фактор, односно се во согласност со прописите за градежни производи во зависност од намената за која се предвидени.

Подови

Изведбата на подовите и изборот на материјалите се во согласност со прописи за овој вид на објекти. Во становите е предвидено пиокривање со керамички и гранитни плочки во влезниот простор и кујните, додека просторот за боравење и спалните соби се покриваат со трослоен паркет, со топла светла дабова нијанса. Ходниците и просториите за комуникација се предвидени да бидат покриени со првокласни гранитни плочки. Бањите во становите, како и потстаниците во подрумот и просторијата за одржување на хигиена, е предвидено да се обложат со нелизгави плочки, со пад кон подните сифони. На сите подови е предвидена соодветна термичка и звучна изолација со тврдопресован стиропор (150kg/m2) како дел од цементната кошулица.

Sидови и плафони

Фасадани sидови се изведени од сипорекс блокови со дебелина од 20 см и соодветна термоизолација од 8cm (демит фасада).

Ѕидовите помеѓу станбените единици се ѕидани како „сендвич ѕидови“ од два слоја блокови сипорекс и дополителна звучна и термичка изолација од воздушен простор и тервол. Ѕидовите помеѓу станбените единици и ходниците се ѕидани со сипорекс блокови со дебелина 25cm или пак сипорекс блок од 15cm со дополнителна изолација од тервол и гипс картонски ѕидови каде што има инсталации. Пожарна отпорност на преградните ѕидови помеѓу станови и ходници е 2 часа.

Внатрешните преградни ѕидови се изработени од сипорекс блокови со дебелина од 10cm, обложени со малтер и глет маса помеѓу спалните и дневната соба, а со малтер и глет маса од едната страна и соодветна завршна обработка од керамички плочки од другата страна кај ѕидовите од санитарните јазли.

Во бањите ѕидовите се обложени со керамички плочки до височина од 240 см, додека плафонот во бањата е предвиден од лесно одржливи алуминиумски панели – „армстронг“.

ВНАТРЕШНА СТОЛАРИЈА

Фасадна столарија

Прозорците се изработени од ПВЦ термоизолирани профили и термоизолационо стакло (6+16+4) со мин.коеф. на топлинска спроводливост од 1,3 w/m2. И со можност за отворање по хоризонтална и вертикална оска. Лизгачките врати кон балконите се тип “Volkswagen“ и истите се со можност за отворање и по хоризонтална оска (кип).

Врати

Надворешната влезна врата е обезбедена од надворешни влијанија и истата е предвидена да функционира со автоматско затворање и видеофонија за контрола на влез. Влезните врати во станбените единици имаат 90cm светол отвор, a вратите во станбените единици наменети за лица со посебни потреби имаат светла широчина од 100cm.

ФАСАДА

Објектот е конципиран со елементи од модерната архитектура во склад со новите актуелни трендови. Sидната површина е обработена со класична термофасада, но со нејзината едноставност дозволува да дојдат до израз балконските стаклени огради кои претставуваат симбол на самиот објект.