Станбената зграда Маџир Маало претставува станбено-деловон објект. Објектот има два влеза. Влезовите во станбениот дел се од источната страна на локацијата.

Во секој од влезовите се сместени по два лифта и скалишен простор кои се одвоени со предпростор тампон и се вентилирани преку кровот.

Од влезниот тампон е проектиран ходник со станови и тоа: Во влез 1 се проектирани по 6 стана на кат, односно од кат 1 до 6, додека на кат 7 се проектирани по 5 стана на кат.

Во влез 2 се проектирани по 5 стана на кат, односно на кат 1,3,5 и 7, додека на кат 2,4 и 6 по 6 стана на кат. Вкупниот број на станови од влез 1 и влез 2 изнесува 88 станови.

Станбената зграда Маџир Маало содржи станбени единици од 30 до 152 м2. Поради различната површина и диспозиција на становите, предвидени се следните типови на станови:

Гарсоњери

Двособни станови

Трособни станови и 

Четворособни станови.

Во влез 1, од 1 до 7 кат се застапени следните типови на станови: двособни, трособни и четворособни станови, додека на поткровје се застапени трособни и четворособни станови.

Во влез 2, на кат 1, 3 и 5 се застапени следните типови на станови: двособни, трособни и четворособни станови, додека на кат 2, 4 и 6 се застапени сите типови на станови од: гарсоњери, двособни,  трособни и четворособни станови. На кат 7 се застапени 5 стана, од кои: двособни, трособен и четворособни станови. На поткровје се застапени 4 станови, од кои : двособен, трособен и четворособен стан.

Влезови во деловни и магацински простории, влезови во станбените единици, надземни паркинг места, рампа за влез во подземните паркинг нивоа и зелени површини.

На приземјето се проектирани локали- деловни простории и магацински простории. Деловниот простор е поделен на повеќе локали со различни површини и магацинскии простории со различни површини. Секои од деловните и магацинските простории имаат свои пристапи. Влез  во станбените единици со скалишни пристапи и рампи за лица со посебни потреби, внатрешни скалишни вертикални комуникации и холови, како и 4 современи лифтови.

• Хоризонтални комунукации со пристапни рампи
• 36 паркинг места
• Остава 1 и 2
• Хидростаница
• Топлотна подстаница
• Скалишни вертикални комуникации со лифтови

• Хоризонтални комунукации со пристапни рампи
• 51 паркинг места
• Техничка просторија
• Остава
• Скалишни вертикални комуникации со лифтови.

Со понудата на различни типови на станови се постигнува максимална прилагодливост на зградава кон секоја желба и потреба на клиенти. Со таа цел, станбената зграда ви нуди станови од 30 (гарсоњери) до 152 м2 (четворособни станови).

Конструктивниот систем претставува армирано бетонски греди и столбови со армирано бетонски плочи од 15 цм. Распоните диктираат од потребите за паркирање на подрумските простории како и од функционалното решение на становите. Завршната плоча е решена како равна кровна градина со  пратечки содржини- остави. На делот на скалишните јадра и лифтови постои надвишување заради поврзување на сите ламели со против пожарен ходник кој е вентилиран со жалузини. Темелењето ќе биде со армирано бетонска плоча со дебелина 120 cм.

Градежните материјали кои се вградуваат се со проверен квалитет и карактеристики што овозможуваат станбената зграда да се вбројува во ниско енергетски објекти. Станбената зграда е конципирана како современа со едноставна форма решено со апликации од дрво на контактна термо фасада. Надворешните и внатрешните sидови се од керамички блокови 10/12/20/25/25 cм во зависност од проектот.

Посветеноста на компанијата ЗСФ КОМ како инвеститор се огледува во применета квалитетна градба во склад со Европските стандарди, како и комфорот и функционалноста на кој нашата фирма обрна посебно внимание.

За тоа најдобро сведочи дизајнот на бањите и гостинските тоалети, како и кујни опремени со квалитетни подни и sидни плочки со различни бои, дизајн и димензии. Санитарната галантерија е современа и ќе биде вградена во сите бањи и гостински тоалети, додека бањите добиваат уникатен изглед со поставувањете на стаклените паравани во делот за туширање.

Подовите во нашата станбена зграда ќе бидат изработени од природен дрвен под- паркет со дебелина од 2,4 cм и е фабрички завршно обработен. За внатрешниот изглед на становите избравме дрвени собни врати, кои даваат уникатен и комфорен изглед на станот, без разлика дали сте лубител на модерен или класичен стил.

Фасадната столарија е изработена од петкоморни ПВЦ термоизолирани профили, завршно обработени со филм со боја по избор на проектантот,  застаклена со ниско емисионо двослојно термопан стакло 4+16+4  мм, комплет со оков, и отварање според шемата за столарија.

Лифтовите кои ќе бидат вградени Ви нудат брзина и целосна сигурност со беспрекорен внатрешен дизајн за пријатно и брзо пристигнување до Вашите домови.